Phoolon Ke Rang Se ...

.

Phoolon Ke Rang Se : Prem Pujari : Kishor Kumar : SD Burman

phoolon ke rang se dil ki kalam se
tujhko likhi roj pati
kaise bataun kis kis tarah se
pal pal mujhe tu satati
tere hi sapne lekar main soya
teri hi yadon men jaga
tere khayalon men uljha raha main
jaise ke mala men dhaga
baadal bijli chandan pani jaisa apna pyar
lena hoga janam hamen kai kai bar
itna madir itna madhur tera mera pyar
lena hoga janam hamen kai kai bar
sanson ki sargam dhadkan ki veena
sapnon ki geettanjali tu
man ki gali men mahke jo hardam
aisi juhi ki kali tu
chhota safar ho lamba safar ho
sooni dagar ho ya mela
yad tu aaye man ho jaye bheed ke beech akela
baadal bijli chandan pani jaisa apna pyar
lena hoga janam hamen kai kai bar
itna madir itna madhur tera mera pyar
lena hoga janam hamen kai kai bar
poorab ho pachchhim uttar ho dakkhin
tu har jagah muskuraye
jitna hi jaun main door tujhse
utni hi tu pas aaye
andhi ne roka pani ne toka
duniya ne hans kar pukara
tasveer teri lekin liye main kar aaya sabse kinara
baadal bijli chandan pani jaisa apna pyar
lena hoga janam hamen kai kai bar
itna madir itna madhur tera mera pyar
lena hoga janam hamen kai kai bar

.